Avokati i ish-kryetarit të Partisë Demokratike, Sali Berisha, Genc Gjokutaj, ka bërë me dije se Berisha është thirrur për të dëshmuar në SPAK, në lidhje me kallëzimin e gjyqtares së Gjykatës së Apelit të Krimeve të Rënda, Irena Gjoka.

Sipas njoftimit, Berisha është urdhëruar nga prokurori i SPAK, Elvin Gjokaj, që të paraqitet të martën, më 10 qershor, në orën 10:00, përpara hetuesit të Byrosë Kombëtare të Hetimit, Ardit Neli.

Në shkresën zyrtare theksohet se Berisha do të pyetet si person në dijeni për rrethanat, në kuadër të hetimit paraprak mbi kallëzimin që gjyqtarja Irena Gjoka ka bërë.

Gjithashtu, në urdhrin e paraqitjes sqarohet se në rast mosparaqitjeje, Sali Berisha mund të shoqërohet me detyrim nga autoritetet.