Pas zhdukjes së disa projekteve muzikore nga platforma YouTube, këngëtarja Egli Tako ka dalë me një reagim të sinqertë dhe sqarues për ndjekësit e saj.

Në një deklaratë publike, Egli sqaron se, megjithëse ka qenë interpretuese në këto projekte, ajo nuk është autore e këngëve dhe për pasojë nuk ka të drejta pronësie mbi to. Ajo thekson se fshirja është bërë për arsye personale të autores së këngëve dhe jo me iniciativën e saj.

Në postimin e saj, Egli shpjegon:

“Po duhet t’ju jap shpjegim për shkak të gjithë përkrahjes & dashurisë tuaj ndaj meje edhe pse s’jam autore e këtyre dy këngëve dhe s’kam të drejta mbi to.
Unë jam e ftuar në këngë njësoj si DJ Gimi – O. Është një bashkëpunim ku të drejtat e projektit i takojnë autorit i cili e posedon në kanal, në rastin konkret Fifi.
Kënga është hequr për dy ditë nga platforma YouTube, në vendim të autores për shkaqe të sajat ndaj edhe nuk e kam bërë asnjë ndërhyrje apo reagim, pasi nuk janë materiale të miat dhe nuk kam përgjegjësi mbi to.”

Ajo shprehet edhe për ndikimin që mund të ketë kjo situatë te artistët e ftuar në këngë:

“Sa për dëmtimin e dy artistëve të ftuar në këngë, në rast konkret unë dhe Gimi – O, jemi njerëz dhe me pas artiste, kështu që zgjedh të jem mirëkuptuese!”

Egli Tako tregon se ka vendosur së bashku me Fifin që të shmangin keqkuptime apo aludime duke ndarë qartë rolet dhe përgjegjësitë, duke e parë situatën në një spektër më të gjerë menaxherial:

“Kam vendosur me shumë respekt reciprok me Fifin, të shoh në një spektër më të gjerë, në mënyrë që asnjëra palë të mos ndikojë tek tjetra, për sa kohë të dyja i përkasim të njëjtës fushë. Këndimit.”

Në fund, këngëtarja falënderon publikun dhe premton rikthim me projekte të reja:

“Ju dua shumë dhe gjatë këtij muaji do shihemi ashtu siç ju keni pritur gjithmonë, të më shihni, plot me surpriza të bukura dhe shumë muzikë! Faleminderit për gjithë dashurinë që më jepni, ju dua shumë.”