Policia e Shkodrës ka vënë në pranga një 19-vjeçar, i shpallur në kërkim për posedim të dy armëve zjarri të tipit kallashnikov. Arrestimi u realizua pas kontrolleve të intensifikuara, bazuar në informacionet e siguruara nga inteligjenca policore.

I arrestuari është shtetasi A. Gj., banues në fshatin Kir, i cili dyshohet se më 30 maj 2025 u kap me armët e zbulura gjatë një kontrolli në automjetin e tij, në një lagje të fshatit.

Vendimi për arrestimin e tij është lëshuar nga Gjykata e Posaçme kundër Korrupsionit dhe Krimit të Organizuar. Armët janë sekuestruar si prova materiale, ndërsa ndaj të riut po vijojnë procedurat ligjore. Materialet i janë referuar Prokurorisë për hetime të mëtejshme.