Në pamje të parë, vera duket si stina ideale për energji, argëtim dhe humor të mirë. Por realiteti shpesh është i ndryshëm: shumë njerëz ndihen të lodhur, të përgjumur dhe pa fuqi gjatë ditëve të gjata e të nxehta të verës. Por pse ndodh kjo?

Sipas Dr. Michael J. Bruz, specialist i certifikuar i gjumit, faji kryesor është cilësia e ulët e gjumit, që ndikohet drejtpërdrejt nga temperaturat e larta gjatë natës.

“Temperatura qendrore e trupit ulet natyrshëm në mbrëmje për të na përgatitur për gjumë, por kur moti është i nxehtë, trupi nuk arrin këtë rënie optimale. Si pasojë, njerëzit bien më vështirë në gjumë, zgjohen shpesh dhe ndihen të lodhur gjatë ditës,” – shpjegon Dr. Bruz.

Nxehtësia na rraskapit, edhe pa e kuptuar

Çdo aktivitet në diell kërkon më shumë përpjekje nga trupi. Rritja e temperaturës shoqërohet me humbje lëngjesh, gjë që shton ndjesinë e lodhjes. Madje, edhe lëvizjet e zakonshme në mot të nxehtë mund të duken më të rënda se zakonisht.

⸻

Çfarë mund të bëjmë për ta përballuar më mirë verën?

Ekspertët japin disa këshilla të thjeshta, por të rëndësishme:

✅ Qëndroni të hidratuar – Filloni ditën me 2 gota ujë dhe vazhdoni të pini rregullisht gjatë gjithë ditës. Dehidratimi ndikon drejtpërdrejt në nivelin e energjisë dhe humorin.

🛏️ Rregulloni ambientin e gjumit – Mbani dhomën në një temperaturë rreth 18°C, errësoni mjedisin dhe krijoni një orar të qëndrueshëm për gjumin. Kjo përmirëson cilësinë e pushimit.

🚶‍♀️ Lëvizni, por me kujdes – Edhe pse stërvitja në vapë nuk është ideale, një aktivitet fizik i moderuar herët në mëngjes ose pas perëndimit të diellit ndihmon trupin të ruajë vitalitetin.