Që nga pjesëmarrja e tij në “BBVA4”, ku ka pasur përplasje të shumta me fituesin Gjestin, reperi Vserlo vazhdon të reagojë ashpër ndaj rivalit të tij në rrjetet sociale.

Së fundmi, Vserlo ngriti dyshime se numri i shikimeve të këngëve të Gjesti është i blerë. Në një postim ironik në InstaStory, ai publikoi lajmin se disa këngë të Gjesti janë fshirë nga platforma YouTube, duke aluduar se projektet muzikore janë hakuar.

“Në Youtube detektohen shikimet e blera dhe bllokohen. Nuk duhet as detektiv privat, as lajm. Stay safe out ppl, dhe mos blini më views se po ju pa Beyonce se po ia kaloni, do iua vërë syrin,” shkruante Vserlo.

Ky postim duket qartë si thumbim ndaj Gjesti, duke i bërë jehonë debatit që ka nisur prej ditësh.

Pak ditë më parë, Vserlo krahasoi në rrjet shikueshmërinë e këngëve të Eglit dhe Gjesti me artistë ndërkombëtarë si Miley Cyrus dhe Beyoncé, duke theksuar se klikimet e dyshimtë të këngëve shqiptare ishin të blera dhe duke siguruar prova për këtë pretendim.

Debati mes dy reperëve duket se nuk ka për të ndaluar së ndezuri rrjetet.