Një ngjarje e rëndë ka ndodhur në ambientet e një gomisterie në Durrës. Një punonjës i saj ka humbur jetën në moshën 20-vjeçare, pasi teksa punonte për të rregulluar defektin e një kamioni, goma e këtij të fundit që ka shpërthyer i ka marrë jetën.

Ngjarja ka ndodhur rreth orës 08:50, në lagjen nr.14/1, Kënetë, në ambientet e një gomisterie, ku 20-vjeçari me inicialet R.T. ka qenë duke rregulluar një gomë të një kamioni e cila ka shpërthyer. Ai ka pësuar lëndime të shumta dhe si pasojë e plagëve të marra ka ndërruar jetë.

Durrës/Informacion paraprak

Më datë 06.07.2021, rreth orës 08:50, në lagjen nr.14/1, Kënetë, në ambientet e një gomisterie, duke rregulluar një gomë të një kamioni e cila ka shpërthyer, është lënduar shtetasi R. T., 20 vjeç, (punonjës), i cili si pasojë e plagëve të mara ka ndërruar jetë.

Grupi hetimor ndodhet në vendngjarje dhe po punon për zbardhjen e rrethanave të ngjarjes.