Edhe pse kanë kaluar vetëm pak javë nga përfundimi i edicionit të katërt të “Big Brother VIP Albania”, entuziazmi dhe kureshtja për sezonin e pestë kanë nisur të marrin jetë.

Mediat online dhe rrjetet sociale janë vërshuar nga spekulime dhe emra të përfolur, ndërsa mëngjesin e sotëm, në emisionin “Wake Up”, moderatorja Neada Muça ndau disa prej kandidatëve potencialë që mund të futen në shtëpinë më të ndjekur të vendit.

“Portalet kanë filluar që tani të nxjerrin emrat e rinj të Big Brother-it të ardhshëm. Kam disa emra për ju, shpresoj t’ju pëlqejnë!”, – u shpreh Neada gjatë transmetimit live.

Sipas saj, ndër emrat më të përfolur janë:
• Hygerta Sako – moderatorja sportive dhe ish-Miss Shqipëria, e njohur për sharmin dhe karrierën televizive.
• Isli Islami – moderatori karizmatik i mëngjeseve televizive, i njohur për stilin e tij të qetë dhe diplomatik.
• Kelvi Kadilli – gazetari dhe opinionisti me humor të mprehtë dhe batuta therëse, që premton tension dhe argëtim.
• Kostana – një figurë e re, që është shfaqur më parë në ekran dhe duket se po fiton popullaritet.
• Vitmar Basha – këngëtari dhe showman-i energjik, i njohur për natyrën spontane dhe veprimet e papritura.

Megjithëse asgjë nuk është konfirmuar zyrtarisht nga produksioni i Top Channel, duket se ethet për BBV5 kanë filluar shumë më herët se zakonisht.

Sezoni i katërt theu rekordet e ndjekshmërisë dhe duket se pritshmëritë për edicionin e radhës janë edhe më të larta. Tashmë, publiku pret me padurim datën e fillimit dhe konfirmimin zyrtar të emrave, ndërsa rrjetet do të vijojnë të ziejnë me teori dhe pritshmëri.