Kryetari i PD-së, Lulzim Basha ka reaguar në lidhje me arrestimin e kryebashkiakut të Lushnjës, Fatos Tushem, i cili akuzohet për shperdorim detyre.

Përmes një postimi në rrjete sociale, Basha shkruan se PD e ka denoncuar prej vitesh përfshirjen e Tushes në korrupsion.

Sipas tij, arrestimi i kryebashkiakut është një fillim i mirë drejt luftës kundër korrupsionit por kjo do varet nga aftësia për të goditur lidhjet e pushtetin me krimin, pra lidhjet e Hakmarrjes për Drejtësi me Tushën, Braccen dhe vetë Ramën.

Postimi nga Lulzim Basha

“Arrestimi i Fatos Tushës pas denoncimeve shumëvjeçare nga PD të bashkëpunimit të tij korruptiv me krimin e organizuar, mund të jetë një fillim i mbarë. Por kjo do të varet nga aftësia, kuarajo dhe pavarësia e drejtësisë për të goditur lidhjet e pushtetit me krimin, lidhjet e Hakmarrjes për Drejtësi me Tushën, Braçen dhe vetë Ramën, dhe përfitimet e tyre të ndërsjellta në vite të gjata bashkëpunimi” – shkruan Basha.