Një ngjarje e rëndë është shënuar mbrëmjen e djeshme në Durrës. Një vajzë 24-vjeçare ka ndërruar jetë në vend, pasi dyshohet se është vetëhedhur nga ballkoni i banesës ku ajo jetonte.

Gjatë një konflikti për motive të dobëta me burrin e saj, shtetasin me inicialet A.Gj., 31 vjeç, e reja me inicialet A. Gj., është vetëhedhur nga ballkoni dhe për pasojë ka ndërruar jetë.

Policia i ka vënë prangat bashkëshortit të viktimës, pasi dyshohet se ngjarja ka ndodhur pas një sherri që çifti kishte nisur ditën e djeshme.

Deri më tani nuk dihen rrethanat se si ka ndodhur kjo ngjarje.

Njoftimi i Policisë

Specialistët për Hetimin e Krimeve në Komisariatin e Policisë Durrës arrestuan në flagrancë shtetasin A. Gj., 31 vjeç, banues në Durrës, pasi mbrëmjen e djeshme, në banesë, gjatë një konflikti për motive të dobëta me bashkëshorten e tij, shtetasen A. Gj., 24 vjeçe, banuese në Durrës, dyshohet se kjo e fundit është vetëhedhur nga ballkoni i banesës dhe për pasojë ka ndërruar jetë.