Zwickau, Gjermani – Ambasada e Kosovës në Gjermani njoftoi përmes një postimi në Facebook zhdukjen e Arta Hajzeraj, një 13-vjeçare nga Kosova, e cila rezulton e zhdukur në qytetin Zwickau.
Sipas njoftimit të ambasadës, familjarët bashkë me autoritetet policore lokale janë në kërkim intensiv të vajzës dhe kanë bërë thirrje për ndihmë nga publiku.
“Arta Hajzeraj është raportuar e zhdukur. Familjarët dhe policia në Zwickau kërkojnë çdo informacion mbi vendndodhjen e saj apo se kush e ka parë së fundmi,” thuhet në njoftimin zyrtar.
Ambasada e Kosovës i bën apel të gjithë qytetarëve që nëse kanë ndonjë informacion të vlefshëm, të kontaktojnë menjëherë familjen ose autoritetet policore në numrat e dhënë.
