Elon Musk ka pranuar se dalja e tij me sharrë elektrike në skenën e Konventës së Partisë Konservatore në muajin shkurt nuk ka qenë një vendim i mençur. Komenti i manjatit të teknologjisë erdhi si përgjigje ndaj një përdoruesi në platformën “X” (ish-Twitter), i cili e kritikoi për sjellje “si klloun” në një kohë kur çështje të rëndësishme si limiti i borxhit të SHBA-së kërkonin vëmendje serioze.

“Komenti yt është i saktë. Milley më dha sharrën elektrike pas skene dhe unë i thashë se duhej ta bëja, por duke parë nga pas, e kuptoj se tregova mungesë empatie,” u përgjigj Musk, duke iu referuar presidentit të Argjentinës, Javier Milley, me të cilin ka pasur lidhje të ngushta në muajt e fundit.

Në muajin shkurt, Musk mori pjesë në Konferencën e Veprimit Politik Konservator (CPAC) ku u shfaq në mënyrë spektakolare me një sharrë elektrike në dorë, simbolizuar luftën e tij ndaj “shpenzimeve të tepërta të qeverisë” dhe nevojës për të “shkurajuar burokracinë federale”.

Por tani, njeriu më i pasur në botë duket se po reflekton më ndryshe. Në postimet e fundit në “X”, Musk ka shprehur kritika të ashpra ndaj politikave fiskale të administratës Biden, por gjithashtu ka dhënë sinjale të ndryshimit të tonit dhe qasjeve të tij publike.

Ndërkohë, raportet mes Musk dhe Trump, nga aleatë dikur të afërt, kanë hyrë në një fazë të re tensionesh. Musk, i cili dikur e mbështeti Trump-in përmes kritikave ndaj “kufizimeve të qeverisë”, tashmë është kthyer në një ndër kritiket më të mëdhenj të politikave ekonomike republikane dhe demokrate njëherësh.

Gjesti me sharrën, që atëherë u cilësua si ekzagjerim teatral, tani shihet edhe nga vetë Musk si një simbol i impulsivitetit të panevojshëm.