Livia Brunga ka thyer heshtjen. Me një rrëfim emocional dhe të drejtpërdrejtë, ajo ka ndarë përmes një postimi në Instagram dhimbjen që ka përjetuar, duke lënë të kuptohet se fjalët e saj janë të drejtuara ndaj ish-partnerit të saj, Mevlan Shaba.

Në një status të gjatë dhe të ngarkuar emocionalisht, Livia shprehet se është ndjerë e gjykuar padrejtësisht dhe ka duruar shumë në heshtje, për të mbrojtur një njeri që sipas saj “asnjëherë nuk mori përgjegjësi dhe luajti në mënyrën më të pistë me të dhe familjen e saj”.

“Jam lodhur të ndjej në lëkurë një paragjykim që nuk ka lidhje me mua,” shkruan ajo, duke sqaruar më tej se nuk është shkatërruesja e një çifti, pasi “çifti ka qenë i imi që në fillim.”

Brunga flet edhe për shtatzëninë e përfolur të një vajze tjetër, të cilën e quan “një situatë dy netësh në hotele” dhe akuzon se e gjithë “familja” e paraqitur në publik ka qenë vetëm një fasadë.

“Nuk janë gënjeshtrat që ndërtojnë një familje. Ai ka ngrënë bukë nga duart e mia, më ka mohuar mua për të mos u dukur djali i keq, por ai është djali i keq,” thotë Livia, duke e akuzuar ish-partnerin për hipokrizi, manipulim dhe dyfytyrësi.

Në përfundim, ajo shprehet se ka ardhur fundi i durimit të saj dhe se nga kjo histori nuk ka më kthim pas, por vetëm pasoja.

“S’kam më frikë nga gjykimet. Të vërtetën e di unë,” përmbyll ajo, duke u shprehur se nuk ka më ndërmend të heshtë për atë që ka përjetuar.

Reagimi i Livias ka shkaktuar reagime të shumta në rrjet, ku ndjekësit janë ndarë mes mbështetjes për të dhe kërkimeve për përgjigje nga pala tjetër. Deri tani, Mevlani nuk ka reaguar publikisht për deklaratat e saj.