Një vatër zjarri u regjistrua pasditen e sotme në fshatin Kardhiq, në rrethin e Gjirokastrës, duke djegur një sipërfaqe prej rreth 3 dynymësh me bimësi të ulët.
Sipas informacioneve paraprake, flakët ranë pranë zonës së banuar, duke rrezikuar përhapje më të madhe për shkak të erërave të forta që përfshinë rajonin gjatë orëve të fundit.
Në vendngjarje ndërhynë dy automjete zjarrfikëse me dy grupe shpëtimi, të cilët arritën të vënë situatën nën kontroll, duke shmangur dëme të tjera në banesa apo pronë private.
Autoritetet lokale njoftojnë se po hetohen shkaqet e rënies së zjarrit, ndërkohë që apelojnë për kujdes të shtuar nga banorët dhe udhëtarët, veçanërisht në këto ditë me temperatura të larta dhe erëra të forta që favorizojnë përhapjen e flakëve.
