Një histori prekëse që përzien romantikën, natyrën dhe fuqinë e rastësisë ka bërë jehonë në dy brigjet e Atlantikut. Në shtator të vitit 2012, një çift i ri kanadez, Anita dhe Brad, gjatë një takimi romantik në Bell Island të Newfoundland-it, vendosën të ruanin momentin e tyre të veçantë në mënyrë unike: shkruan një mesazh, e futën në një shishe vere bosh dhe e hodhën në oqean.

Në mesazh, ata shkruan:
“Udhëtimi ditor i Anitës dhe Bradit në Ishullin Bell. Sot, shijuam darkën, këtë shishe vere dhe njëri-tjetrin, në skaj të ishullit. I kërkoi kujtdo që e gjen mesazhin të na telefonojë ju lutem”, duke përfshirë edhe një numër telefoni të shkruar me dorë.

⏳ 13 vite më pas dhe 3,200 km larg, shishja u gjet në Gjirin Scraggane në Qarkun Kerry të Irlandës, gjatë një pastrimi vullnetar të bregdetit të organizuar nga grupi Maharees Heritage and Conservation.

Kate dhe John Gay, çifti që e gjeti shishen, u prekën nga mesazhi dhe provuan të telefonojnë në numrin që gjetën, por pa sukses. Më pas vendosën ta ndajnë zbulimin në rrjetet sociale — dhe postimi u bë viral.

📲 Brenda pak orësh, miqtë në Kanada njoftuan çiftin Squires. “Ishte nata e së hënës dhe telefoni po binte pa pushim,” rrëfen Brad për The Guardian. “Anita po qeshte në dhomën tjetër. Nuk e besonim.”

Sot, Anita dhe Brad janë të martuar prej vitit 2016 dhe prindër të tre fëmijëve. Ajo punon si infermiere, ndërsa Brad ka dalë në pension si oficer i Policisë Mbretërore Kanadeze.

🧡 “Ne ishim thjesht të rinj të dashuruar. Tani jemi të moshuar të dashuruar,” tha Brad në një intervistë për radion RTÉ të Irlandës. Çifti shpreson të vizitojë Irlandën dhe të takojë çiftin që gjeti mesazhin e tyre.

🌍 Kjo histori jo vetëm që ka prekur zemrat e shumë njerëzve, por ka nxitur edhe çifte të tjera kanadeze të ndajnë historitë e tyre me mesazhe në shishe — duke treguar se ndonjëherë, romanca vërtet nuk njeh kufij.