Lamine Yamal vazhdon të shkëlqejë si një nga talentet më premtues të futbollit botëror. Në moshën vetëm 17-vjeçare, ai ka fituar 5 trofe mes Barcelonës dhe kombëtares spanjolle, ndërsa është kthyer në një lider të padiskutueshëm në fushë, duke marrë përgjegjësi që zakonisht u takojnë veteranëve.

Në një intervistë të fundit, Yamal foli me pjekuri dhe respekt të madh për krahasimet me Lionel Messin, ikonën e Barcelonës.

“Lionel Messi është me të vërtetë lojtari më i madh në histori për mua,” u shpreh Yamal me admirimin që vetëm një tifoz dhe pasardhës i denjë mund të ketë.
“Shpresoj të kem një karrierë aq të suksesshme sa e tija, por e vetmja gjë për të cilën mendoj është të luaj në mënyrën time.”

Përkundër presionit dhe krahasimeve, ai mbetet i përqendruar te identiteti i vet si lojtar:

“Ajo që dua është që njerëzit ta kujtojnë emrin Lamine Yamal.”

Me një fillim të tillë, duket se ky emër do të mbetet gjatë në kujtesën e futbollit botëror.