Ditëlindja e Ajkës, vajzës së këngëtares Xhensila Myrtezaj dhe aktorit Bes Kallaku, është kthyer në qendër të vëmendjes së rrjeteve sociale – jo vetëm për festën, por edhe për mënyrën se si ajo u organizua. Të dy prindërit, ndonëse të përkushtuar ndaj fëmijëve të tyre, kanë zgjedhur të festojnë veçmas këtë ditë të veçantë, duke organizuar dy festa të ndryshme.

Fotot e publikuara nga të dy në profilet e tyre në Instagram tregojnë dekorime të ndryshme, miq dhe familjarë të ndryshëm, por mungon ajo që dikur ishte një pamje e zakonshme – një prindërim i bashkuar, të paktën në ditë të rëndësishme.

Ky vendim, pavarësisht që ndarja e tyre është tashmë zyrtare, ka ngjallur komente të shumta nga ndjekësit, që nuk e kanë fshehur zhgënjimin për mungesën e një momenti të përbashkët në ditëlindjen e vajzës së tyre të madhe.

Kujtojmë që Bes Kallaku dhe Xhensila Myrtezaj konfirmuan ndarjen disa muaj më parë, duke ruajtur një profil të ulët mediatik në lidhje me arsyet e largimit. Megjithatë, ata kanë theksuar vazhdimisht përkushtimin e tyre ndaj fëmijëve.

Ajka, në këtë ditë të veçantë, festoi me dashurinë e të dy prindërve, por jo me ta pranë njëri-tjetrit. Një detaj që nuk i ka shpëtuar askujt.