Ornela Murati, partnerja aktuale e Mevlan Shabës, ka reaguar me tone të forta në një postim në Instagram, duke iu përgjigjur në mënyrë të drejtpërdrejtë ish-partneres së Mevlanit, Livian.

Në një mesazh të përcjellë me ironi dhe përbuzje, Ornela shkruan: “Më vjen keq që jeta jote është kaq bosh sa ke zgjedhur të jetosh në timen. Kur një grua e pavlerë kërkon vëmendje, vetëm bëhet reklamë për nivelin e saj.”

Ajo thekson se personi që përpiqet ta mallkojë harron se ajo ka diçka që tjetra nuk do ta ketë kurrë dhe i quan “qesharake” shpresat se mund të fitojë në këtë situatë. Në fund të mesazhit, Ornela nënvizon se është dikush që e mbron dhe i jep Mevlanit atë që ai meriton, duke lënë të kuptohet se ka një pozicion më të fortë dhe të sigurt në marrëdhënien e tyre aktuale.

Reagimi i saj duket se shënon një tjetër fazë të tensionuar mes dy grave që kanë qenë pjesë e jetës së Mevlan Shabës, duke tërhequr vëmendjen e ndjekësve në rrjetet sociale.