Një vatër e madhe zjarri ka përfshirë sot një masiv kodrinor në zonën turistike të Borshit, duke krijuar panik mes banorëve dhe pushuesve.

Flakët po përhapen me shpejtësi për shkak të erës së fortë, ndërsa shërbimet zjarrfikëse po hasin vështirësi për ta vënë situatën nën kontroll. Sipas burimeve nga terreni, zjarri tashmë është afruar rrezikshëm pranë zonave të banuara.

Deri më tani nuk ka raportime për të lënduar, ndërsa autoritetet lokale dhe forcat e emergjencës janë në gatishmëri për të mbrojtur jetën dhe pronat. Situata vijon të jetë e paqëndrueshme.