Një aksident rrugor është regjistruar mesditën e sotme në rrugën Cakran–Gorishovë, pranë fshatit Vreshtas, ku një automjet ka humbur kontrollin dhe është përplasur me një mur rrethues.
Nga përplasja e fortë kanë mbetur të plagosur dy persona, të cilët u transportuan me urgjencë drejt spitalit nga ekipet e ambulancës. Pamjet nga vendngjarja tregojnë automjetin e dëmtuar rëndë dhe stafin mjekësor duke ofruar ndihmën e parë për të lënduarit.
Policia ndodhet në vend dhe ka nisur hetimet për të zbardhur shkaqet e aksidentit. Paraprakisht dyshohet se humbja e kontrollit nga drejtuesi i automjetit ka qenë shkaku kryesor i përplasjes.
