Gjykata e Lartë kundër Korrupsionit dhe Krimit të Organizuar (GJKKO) ka vendosur të mos pranojë rekursin e paraqitur nga Zambak Gjoni dhe Arnold Rrokaj, të akuzuar për ndërhyrje në sistemin e teknologjisë së informacionit të Prokurorisë së Posaçme dhe marrjen e dosjeve hetimore nga kompjuterat e tre prokurorëve të SPAK.

Rekursi kishte si qëllim kundërshtimin e vendimit nr. 28 (87-2025-142), të datës 22 prill 2025, dhënë nga Gjykata e Posaçme e Apelit për Korrupsionin dhe Krimin e Organizuar.

Pas shqyrtimit, GJKKO vendosi të lërë në fuqi vendimin e Apelit, duke mos pranuar kërkesën e dy të pandehurve për ta rrëzuar atë.

Kështu, vendimi i Apelit mbetet përfundimtar për këtë fazë të procesit gjyqësor që lidhet me ndërhyrjen kibernetike në sistemet e SPAK-ut.