Ndërkohë që Policia e Shtetit është në operacion për të kapur personin më të shumëkërkuar në vend, gazetarja Klodiana Lala ka reaguar ashpër ndaj ndërhyrjes policore në ambientet e News24, BalkanWeb dhe Panorama.

Në një postim në Facebook, Lala e cilësoi ngjarjen si një sulm të rëndë ndaj fjalës së lirë dhe një akt të papranueshëm në një vend demokratik.

“Policia e Shtetit në aksion për të kapur personin më të shumëkërkuar në vend, me rrezikshmëri të lartë shoqërore. Arrestohet News 24 për fjalën e lirë. Edi Rama, shame on you!”, shkroi ajo.

Reagimi i saj vjen mes një vale kritikash nga figura të njohura të medias dhe politikës për mënyrën e veprimit të policisë, që solli ndërprerjen e sinjalit të transmetimit të News24.