KUÇ – Një automjet tip “Ford” është shkrumbuar plotësisht mbrëmjen e djeshme në aksin rrugor Kuç–Qeparo, pranë urës së Laskos, në afërsi të fshatit Kuç.

Sipas të dhënave paraprake, zjarri dyshohet të jetë shkaktuar nga një shkëndijë elektrike në motorin e mjetit. Ngjarja ndodhi në orët e mbrëmjes, kur qarkullimi ishte i rënduar, duke krijuar trafik të dendur në zonë.

“Kur mbërritëm, flakët kishin përfshirë të gjithë pjesën e përparme të mjetit. Pavarësisht përpjekjeve tona, automjeti u dogj tërësisht,” u shpreh një zjarrfikës në vendngjarje.

Në terren kanë shkuar edhe forcat e policisë, ndërsa makina e dëmtuar ka qëndruar në rrugë deri në orët e vona të natës, duke penguar qarkullimin.

Autoritetet po vijojnë verifikimet për të konfirmuar shkakun e saktë të zjarrit.