Një automjet i parkuar u përfshi nga flakët në orët e para të mëngjesit të djeshëm në lagjen nr. 10 të qytetit të Korçës.

Mjeti, në pronësi të shtetasit Sterjo Gërmenji, është djegur pjesërisht, ndërsa të dhënat paraprake të hetimit ngrejnë dyshime për zjarrvënie të qëllimshme.

Policia njoftoi se ngjarja ndodhi rreth orëve të para të ditës dhe se grupi hetimor, nën drejtimin e Prokurorisë së Korçës, po punon për të zbardhur rrethanat. “Materialet procedurale iu referuan Prokurorisë së Korçës, për veprime të mëtejshme,” thuhet në deklaratën zyrtare.

Hetimet po vijojnë për të identifikuar autorët dhe motivet e mundshme të zjarrvënies.