Agjencia e Mbikëqyrjes Policore (Rajoni Elbasan-Korçë) ka vënë në pranga inspektorin E. P., me detyrë oficer patrulle në Komisariatin e Policisë Nr. 4 në Tiranë, si dhe shtetasin E. D., banues në Tiranë.

Të dy akuzohen për veprën penale “Veprime që pengojnë zbulimin e së vërtetës”, pasi dyshohet se kanë tentuar të fshehin prova materiale lidhur me arrestimin e vëllait të inspektorit, i ndaluar më 5 korrik 2025 për akuzën “Shtrëngim me anë të kanosjes ose dhunës për dhënien e pasurisë”.

Sipas njoftimit zyrtar, Gjykata e Shkallës së Parë e Juridiksionit të Përgjithshëm Elbasan ka vendosur ndaj tyre masat e sigurimit personal “Ndalim i daljes jashtë shtetit” dhe “Detyrim për t’u paraqitur në Policinë Gjyqësore”.

Hetimet vijojnë për zbardhjen e plotë të rastit dhe identifikimin e personave të tjerë të përfshirë.