Një aksident i rëndë rrugor ka ndodhur mbrëmjen e sotme në fshatin Llapushnik të Drenasit, në aksin Pejë–Prishtinë.

Nga përplasja e dy mjeteve humbën jetën dy persona, të dy 46-vjeçarë, të identifikuar me inicialet Sh.G. dhe A.G.

Ndërkohë, një 19-vjeçare me inicialet F.G. ka mbetur e plagosur rëndë dhe është transportuar me urgjencë në Qendrën Klinike Universitare të Kosovës (QKUK), ku ndodhet nën kujdes intensiv.

Shkaqet e aksidentit ende nuk janë bërë të ditura, por pamjet nga vendngjarja tregojnë për një përplasje të fortë që ka shkaktuar dëme të mëdha në automjete.