Belsh – Policia ka vënë në pranga Leonidha Dervishin, 49 vjeç, banues në Belsh, pasi dyshohet se ka vjedhur një automjet të marrë me qira nga një shtetas tjetër.

Sipas njoftimit zyrtar, Specialistët për Hetimin e Krimeve pranë Komisariatit të Policisë Cërrik reaguan menjëherë pas kallëzimit të bërë nga pronari i automjetit. Pas veprimeve intensive hetimore dhe operacionale, u bë e mundur identifikimi, kapja dhe arrestimi i autorit të dyshuar.

Materialet procedurale i janë dorëzuar Prokurorisë së Elbasanit, ndërsa Dervishi do të përballet me akuzën “Vjedhja”.

Policia njofton se hetimet vijojnë për të zbardhur të gjitha rrethanat e ngjarjes.