Fier – Një tjetër rast i zjarrvënies së qëllimshme ka shqetësuar qytetin e Fierit, ku flakët kanë rrezikuar shtëpitë pranë vendngjarjes dhe kanë mbuluar zonën me tym të dendur.

Ministrja e Infrastrukturës dhe Energjisë, Belinda Balluku, përmes një postimi në rrjetet sociale, ka denoncuar ngjarjen, duke theksuar se aktet e tilla rrezikojnë jo vetëm jetën e qytetarëve, por shkaktojnë edhe pasoja të rënda për mjedisin.

“Individi i dyshuar u ndalua menjëherë, falë reagimit të shpejtë të policisë, por ky është një rast i përsëritur që na kujton se zjarrvëniet duhet të marrin dënime shembullore. Nuk mund të trajtohen si vepra të lehta penale,” shkruan Balluku.

Autoritetet vijojnë hetimet për zbardhjen e rrethanave të ngjarjes dhe për parandalimin e incidenteve të ngjashme në të ardhmen.