Prej kohësh, mediat rozë kanë përfolur për lidhjen shumëvjeçare mes moderatores së njohur shqiptare Luana Vjollca dhe biznesmenit kosovar Krenar Cocaj. Marrëdhënia e tyre, edhe pse gjithmonë në qendër të vëmendjes, nuk u konfirmua kurrë nga vetë protagonistët, ndërsa po njësoj ka ndodhur edhe me ndarjen e tyre, e cila u kuptua vetëm përmes ndryshimeve të dukshme në postime dhe dalje publike.

Pak javë më parë, mediat publikuan foto të Krenarit në Ibiza, ku ai u pa pranë modeles dhe ish-Miss Universe Albania Endi Demneri. Pamjet konfirmuan lidhjen e re të biznesmenit, duke ndezur diskutime të shumta në rrjetet sociale. Aktualisht, Krenari dhe Endi po shijojnë pushime luksoze në St. Tropez, një nga destinacionet më të preferuara të VIP-ave ndërkombëtarë.

Por ajo që ka tërhequr më shumë vëmendjen e publikut është fakti se në të njëjtin vend ndodhet edhe Luana Vjollca. Moderatorja ka nisur të ndajë me ndjekësit foto dhe video nga momentet argëtuese me mikeshat e saj, duke shijuar klube, restorante dhe plazhe luksoze.

Ky “koinçidencë” ka ndezur reagime të shumta online. Disa ndjekës aludojnë se Luana ka zgjedhur enksas të njëjtin destinacion ku po qëndron ish-partneri i saj me të dashurën e re, madje nuk kanë munguar as komentet që e quajnë “përndjekëse”. Ndërkohë, të tjerë mendojnë se postimet e saj janë një mesazh i heshtur për të treguar se ajo është po aq mirë edhe pas ndarjes.

Në rrjetet sociale, situata po përshkruhet si një “përballje luksoze” në Rivierën Franceze, dhe duket se “skena” mes Luanës, Krenarit dhe Endit sapo ka filluar të marrë më shumë vëmendje.