Ish-banorja e “Big Brother Vip”, Jori Delli, ka ndarë me ndjekësit e saj arsyen e mungesës së saj në rrjetet sociale ditët e fundit, duke zbuluar një periudhë të vështirë për familjen.
Përmes një postimi në InstaStory, modelja tregoi se babai i saj, gjatë një vizite në Shqipëri, ka pësuar një infarkt dhe fillimisht është dërguar në spitalin e Vlorës. Sipas saj, atje nuk mori kujdesin e nevojshëm, çka e detyroi familjen të ndërhynte për ta transferuar në Tiranë.
Në QSUT, babai i Jorit iu nënshtrua një operacioni të suksesshëm, duke i shpëtuar jetën. Modelja shprehu mirënjohje për stafin mjekësor të kryeqytetit, ndërsa nuk ngurroi të bëjë thirrje për më shumë investime në shëndetësinë shqiptare:
“Jeta e qytetarëve duhet të vihet mbi gjithçka tjetër,” – shkroi ajo.
Në fund, Jori Delli falënderoi publikisht mjekët që i shpëtuan jetën të atit, duke u shprehur se kjo përvojë e ka bërë të kuptojë edhe më shumë rëndësinë e kujdesit shëndetësor cilësor në Shqipëri.
