Trajneri i Kombëtares së Brazilit, Carlo Ancelotti, ka publikuar listën e 23 lojtarëve të grumbulluar për dy sfidat e radhës në kualifikueset e Kupës së Botës 2026, ndaj Kilit dhe Bolivisë.
Lista, e bërë publike të hënën, solli disa emra surprizë si Caio Henrique, Douglas Santos dhe Kaio Jorge, ndërkohë që bien në sy disa mungesa të bujshme. Asnjë lojtar i Real Madridit nuk është thirrur – Vinicius Jr, i pezulluar për ndeshjen e parë, dhe Rodrygo nuk figurojnë në përzgjedhje. Po ashtu, Neymar mbetet jashtë për shkak të një dëmtimi.
Në krahasim me listën e kaluar, ka nëntë ndryshime, mes tyre: Caio Henrique, Douglas Santos, Fabricio Bruno, Gabriel Magalhães, Joelinton, Lucas Paquetá, João Pedro, Kaio Jorge dhe Luiz Henrique.
Lista e plotë:
• Portierët: Alisson (Liverpool), Bento (Al-Nassr), Hugo Souza (Corinthians)
• Mbrojtësit qendrorë: Alexsandro Ribeiro (Lille), Fabrício Bruno (Cruzeiro), Gabriel Magalhães (Arsenal), Marquinhos (PSG)
• Mbrojtësit anësorë: Alex Sandro (Flamengo), Caio Henrique (Monaco), Douglas Santos (Zenit), Vanderson (Monaco), Wesley (Roma)
• Mesfushorët: Andrey Santos (Chelsea), Bruno Guimarães (Newcastle), Casemiro (Manchester United), Joelinton (Newcastle), Lucas Paquetá (West Ham)
• Sulmuesit: Estêvão (Chelsea), Gabriel Martinelli (Arsenal), João Pedro (Chelsea), Kaio Jorge (Cruzeiro), Luiz Henrique (Zenit), Matheus Cunha (Manchester United), Raphinha (Barcelona), Richarlison (Tottenham)
Brazil, tashmë i kualifikuar për Botërorin, do të përballet më 4 shtator me Kilin në “Maracanã” dhe më 9 shtator me Bolivinë në transfertë, e cila ende lufton për një vend në play-off.
