Një ngjarje tragjike ka tronditur një fshat në provincën veriore të Giresunit, ku dhëndri 23-vjeçar ndërroi jetë një ditë pas dasmës së tij, pas një incidenti të rëndë gjatë festës. Sipas mediave vendase, një i ftuar hapi zjarr gjatë celebrimit, dhe një e afërme e dhëndrit, e dyshuar për të shtëna, është arrestuar.

Ngjarje të tilla aksidentale janë të zakonshme në Turqi gjatë festimeve, ku sipas vlerësimeve të një fondacioni vendas, qarkullojnë rreth 40 milionë armë zjarri, shumica e tyre të paligjshme.

Rastet e ngjashme janë shënuar edhe më herët: vetëm javën e kaluar, një person u vra dhe dy të tjerë u plagosën në një incident të ngjashëm gjatë një dasme në provincën fqinje të Trabzonit. Autoritetet po hetojnë ngjarjen për të përcaktuar rrethanat dhe përgjegjësitë e sakta.