Një ngjarje e rëndë ka tronditur komunitetin shqiptar në Leeds, Britani të Madhe, ku një i ri shqiptar u vra me thikë nga kushëriri i tij. Viktima, Elsiado Marku, 26 vjeç, humbi jetën pas një konflikti familjar të premten, më 29 gusht, pak para orës 16:30.

Autori i dyshuar, kushëriri i tij Eljon Markaj, 31 vjeç, është lënë në paraburgim dhe pritet të paraqitet sot (e hënë, 1 shtator) para Gjykatës së Magjistraturës së Leeds. Ai akuzohet gjithashtu për posedim të një arme sulmuese në një vend publik.

Policia e West Yorkshire ka bërë thirrje që kushdo që ka informacion mbi ngjarjen të kontaktojë autoritetet për ndihmë në hetime.