Japoni – Një rrush i kuq dhe i madh sa një top pingpongi po tërheq vëmendjen e botës për bukurinë dhe çmimin e tij të jashtëzakonshëm. E quajtur “Ruby Roman”, ky frut premium i bën konsumatorët të ndihen si perandorë romakë kur e shijojnë.

Çdo kokërr mund të peshojë deri në 20 gramë dhe shija e tij përshkruhet si një kombinim mes karameleve dhe frutave të buta, me aciditet të ulët dhe ëmbëlsi të lartë.

Rrushi kultivohet vetëm në prefekturën Ishikawa dhe që nga prezantimi i tij në vitin 2008 konsiderohet një simbol luks. Një kilogram “Ruby Roman” mund të shitet deri në 10,000 dollarë, ndërsa një kokërr e vetme arrin vlerën e 470 dollarëve – e barabartë me një unazë ari 18 karatësh me diamante dhe rubinë.

Për shkak të prodhimit të kufizuar dhe marketingut ekskluziv, ky rrush është shumë i kërkuar, sidomos si dhuratë prestigjioze dhe simbol statusi.