Fituesi i edicionit të fundit të US Open, tenisti spanjoll Carlos Alcaraz, është në një lidhje me modelen amerikane Brooks Nader. Lajmi është konfirmuar publikisht nga motra e saj, Grace Ann Nader, duke i dhënë fund thashethemeve që qarkullonin prej disa ditësh.

“Thashethemet janë të vërteta. Fjala ‘po dalim bashkë’ më duket pak e thjeshtë për ta përshkruar, por unë e di që ai është i duhuri,” – u shpreh Grace Ann për E! News, gjatë një sfilate të New York Fashion Week, ku Brooks mori pjesë.

Motra e modeles shtoi gjithashtu se ende nuk e ka takuar personalisht Alcarazin, por se mezi pret ta bëjë këtë.

Zërat për romancën mes tenistit dhe modeles nisën të përhapeshin pas finales së US Open, ku Brooks Nader u pa në tribunë dhe më pas në ceremoninë e ndarjes së trofeut, duke ndjekur nga afër fitoren e Alcaraz kundër Jannik Sinner.

Ky është kapitulli i parë publik i një romance që po tërheq vëmendjen e mediave sportive dhe atyre të showbiz-it, duke e vendosur kampionin spanjoll në qendër të vëmendjes jo vetëm për sukseset në fushën e tenisit, por edhe për jetën e tij personale.