Policia e Kurbinit ka finalizuar një tjetër goditje ndaj kultivimit të bimëve narkotike, në kuadër të operacionit kombëtar antikanabis të koduar “Koordinata”.

Gjatë kontrolleve të ushtruara në fshatin Shpërdhet, me mbështetjen e teknologjisë së dronëve, forcat e rendit arrestuan në flagrancë shtetasin Nezir Ahmeti, 23 vjeç, banues në këtë fshat.

Hetimet tregojnë se i riu kishte kultivuar 23 bimë kanabisi në oborrin e banesës së tij. Bimët narkotike u asgjësuan në vendngjarje përmes djegies, ndërsa një pjesë u sekuestrua si provë materiale.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Kurbin për veprime të mëtejshme ligjore.