Një 14-vjeçar ka rënë pre e dhunës nga bashkëmoshatarët e tij në Tiranë. Ngjarja është denoncuar nga i mituri, i cili ka deklaruar se është kanosur dhe dhunuar nga dy persona të rinj, të cilët nuk i njihte.

Pas veprimit, autorët janë larguar menjëherë nga vendi i ngjarjes. Policia njofton se po vijon puna për identifikimin dhe kapjen e tyre.

“Shtetasi i mitur, 14 vjeç, është kanosur nga dy shtetas në dukje bashkëmoshatarë të tij, të cilët nuk i njeh. Punohet për identifikimin e tyre”, thuhet në njoftimin zyrtar të Policisë.

Hetimet janë në vijim për zbardhjen e plotë të rrethanave.