Presidenti i Sirisë, Ahmed al Sharaa, përdori foltoren e Asamblesë së Përgjithshme të OKB-së për të sulmuar ashpër Izraelin, duke e akuzuar për agresione të përsëritura ndaj territorit sirian dhe për destabilizimin e Lindjes së Mesme.

“Politikat izraelite bien ndesh me qëndrimin ndërkombëtar mbështetës për Sirinë, gjë që kërcënon kriza dhe luftëra të reja në rajonin tonë,” tha Al Sharaa në fjalën e tij.

Megjithatë, kreu i shtetit sirian u shpreh se vendi i tij mbetet i përkushtuar ndaj dialogut dhe rrugës diplomatike, duke i bërë thirrje bashkësisë ndërkombëtare të mbështesë Sirinë në përballjen me agresionet izraelite.

“Përballë këtij agresioni, Siria është e përkushtuar për dialog,” deklaroi ai, duke shtuar se historia e Gazës nuk ka mbaruar dhe se “kapitulli i saj i ardhshëm do të titullohet ‘paqë, prosperitet dhe zhvillim’.”