Një ngjarje e rëndë ka tronditur Spitalin e Artës në Greqi, ku një grua 28-vjeçare shtatzënë ka ndërruar jetë si pasojë e alergjisë ndaj një antibiotiku.
Sipas mediave greke, gruaja, nënë e një fëmije, kishte shkuar në spital për shkak të dhimbjeve të barkut. Pas ekzaminimeve fillestare, mjekët vendosën të shtrohej për trajtim të mëtejshëm. Për shkak të gjendjes së saj të rënduar, pacientja u transferua menjëherë në Njësinë e Kujdesit Intensiv, por ndërhyrjet nuk mundën të shpëtonin jetën e saj.
Administrata e spitalit ka njoftuar nisjen e një hetimi të brendshëm administrativ për të sqaruar rrethanat e ngjarjes dhe për të përcaktuar përgjegjësitë e mundshme. Familja e pacientes është thellësisht e tronditur nga humbja e papritur.
