Një operacion i madh emergjence u zhvillua të mërkurën në veri të Mynihut pas një zjarri në një shtëpi të veçuar në zonën Lerchenau, që çoi në bllokimin e rrugëve dhe paralajmërimin e banorëve për të shmangur zonën.

Sipas raportimeve, një person u gjet i vdekur, ndërsa një tjetër u gjet me plagë të shkaktuara nga të shtënat me armë zjarri. Gazeta Bild raporton se viktima i vuri flakën shtëpisë së prindërve të tij, e mbushi me eksplozivë dhe më pas dyshohet se mori jetën vetes.

Policia ka vendosur një ekip çaktivizimi bombe për shkak të një çante të dyshuar me eksplozivë që mbante i ndjeri. Hetimet përfshijnë gjithashtu lidhje të mundshme me pjesë të tjera të qytetit, përfshirë terrenin e festivalit Oktoberfest, çka shkaktoi vonesa në hapjen e tij.

Zëdhënësi i policisë, Thomas Schelshorn, theksoi se nuk ka rrezik aktual për publikun dhe nuk është konstatuar një lidhje direkte me festivalin e birrës, i cili po zhvillohet aktualisht në Mynih. Hetimet vazhdojnë për të sqaruar shkaqet e ngjarjes dhe çdo lidhje të mundshme me pjesë të tjera të qytetit.