Presidenti Donald Trump ka përgatitur një plan për të dhënë fund luftimeve në Gaza, i cili parashikon armëpushim, çarmatimin e Hamasit, lirimin e pengjeve brenda 72 orëve dhe një tërheqje graduale të Izraelit.

Megjithatë, Hamas po kërkon ndryshime në disa pika kryesore të planit, duke përfshirë klauzolat mbi çarmatimin dhe kohën e lirimit të pengjeve. Burime palestineze bëjnë të ditur se udhëheqësit e Hamasit kërkojnë gjithashtu garanci ndërkombëtare për një tërheqje të plotë izraelite dhe për sigurimin që nuk do të ketë sulme brenda ose jashtë territorit.

Brenda grupit ekzistojnë dy pikëpamje: një pjesë dëshiron miratimin pa kushte të planit për të siguruar armëpushimin, ndërsa tjetra kërkon ndryshimet e përmendura.