Mat – Partia Socialiste ka shpallur zyrtarisht Altin Bojni si kandidat për kryetar bashkie për zgjedhjet e pjesshme që do të mbahen më 9 nëntor. Lajmin e bëri të ditur kryetari i PS Mat, Hasan Pasha, gjatë mbledhjes së zhvilluar këtë të premte.
Gjatë fjalës së tij, Pasha përmendi arritjet e fushatës së zgjedhjeve të 11 majit, ku PS arriti 60% të votave, kundrejt 36% të Partisë Demokratike, duke theksuar se ekziston potencial për të përmirësuar edhe më tej rezultatin.
Opozita ende nuk ka zyrtarizuar kandidatin e saj për garën në Mat, ndërkohë që procesi i fushatës pritet të intensifikohet në ditët në vijim.
