Sarandë – Një shpërthim i fuqishëm ka tronditur mbrëmjen e sotme lagjen nr. 3 të qytetit, duke shkaktuar panik mes banorëve dhe dëme materiale në disa biznese dhe automjete të parkuara pranë.

Policia njofton se brenda automjetit të shkatërruar tip fuoristradë është gjetur trupi i pajetë i Iusuf Jace, viktima e ngjarjes. Forca të shumta policore janë në vendngjarje, ndërsa zona është rrethuar dhe po kryhen hetime intensive për zbardhjen e plotë të ngjarjes dhe identifikimin e autorëve.

Shkaku i shpërthimit mbetet i paqartë, ndërsa hetuesit po punojnë për çdo pistë të mundshme.