Një ngjarje e rëndë ka ndodhur pasditen e sotme në lagjen nr. 18, pranë terminalit të autobusëve, ku një 60-vjeçar ka humbur jetën papritur teksa po ecte në vijat e bardha.

Sipas informacioneve paraprake, kalimtarët kanë vënë re se burri është rrëzuar papritur dhe kanë njoftuar menjëherë shërbimet e emergjencës. Pavarësisht mbërritjes së shpejtë të ambulancës, mjekët kanë konstatuar se 60-vjeçari kishte ndërruar jetë.

Nga të dhënat e para, dyshohet se vdekja ka ardhur për shkaqe natyrale. Policia ndodhet në vendngjarje dhe po punon për identifikimin e viktimës dhe për sqarimin e plotë të rrethanave të ngjarjes.