Automjetet luksoze Land Rover janë ndër SUV-të më të njohur në botë, por shumë pyeten se kush prodhon motorët që i japin jetë këtyre makinave. Sipas reportmotori.it, motorët e Land Rover janë prodhuar nga Ingenium, kompania e brendshme e grupit Jaguar Land Rover (JLR), e formuar në partneritet me Jaguar.

Motorët Ingenium përfshijnë versione me benzinë, naftë, hibridë dhe elektrikë, të dizajnuar me teknologji të avancuar për performancë dhe efikasitet të lartë. Dizajni modular i tyre lejon përdorimin e të njëjtit bllok motori në modele dhe terrene të ndryshme.

Historikisht, disa modele Range Rover kanë përdorur motorë BMW V8, ndërsa më parë ishin të pajisura me motorë Ford dhe PSA. Sot, pothuajse të gjithë SUV-të e Land Rover punojnë me motorët Ingenium, megjithëse klientët shpesh kritikojnë besueshmërinë dhe qëndrueshmërinë e tyre.

Vlen të përmendet se grupi JLR ka përjetuar një sulm hakerash në shtator, i cili e detyroi të pezullonte prodhimin global, duke shkaktuar humbje prej qindra milionë eurosh, por kompania arriti të rifitojë kontrollin. Megjithatë, prodhimi i motorëve brenda kompanisë tregon përpjekjen e Land Rover për pavarësi teknologjike dhe inovacion të brendshëm.