Mjekët kanë vënë re se, ndonëse kanceri i gjirit tek burrat është më i rrallë, ai nuk është më i rëndë se tek gratë. Problemi kryesor është se shpesh diagnostikohet më vonë, pasi burrat janë më pak të prirur të dyshojnë për ndryshime në zonën e gjinjve.

Faktorët që rrisin mundësinë e zhvillimit të kancerit të gjirit tek burrat përfshijnë: histori familjare me kancer gjiri te gratë, ekspozim ndaj rrezatimit në zonën e gjoksit, zgjerim i gjinve nga trajtime me hormone ose ilaçe, marrja e estrogjenit, sindroma e rrallë gjenetike Klinefelter, sëmundje të mëlçisë ose testikujve, dhe mbipeshë.

Simptomat tek burrat janë të ngjashme me ato tek gratë dhe përfshijnë: gjëndra ose kokërr në gji apo nën sqetull, ndryshim në madhësi ose formë të gjirit, ndryshime në lëkurën e gjinjve si gropëza ose tërheqje, skuqje ose ënjtje përreth gjinjtë, rrjedhje lëngu nga thithka, kore ose luspa në thithkë, puçrra të imta dhe dhimbje të vazhdueshme në gji apo nën sqetull.

Mjekët këshillojnë burrat që të jenë të vëmendshëm ndaj çdo ndryshimi në zonën e gjinjve dhe të kërkojnë ndihmë mjekësore pa vonesë, pasi diagnostikimi i hershëm rrit ndjeshëm shanset për trajtim të suksesshëm.