Kandidatura e Florjan Binajt për Bashkinë e Tiranës, e shpallur nga Sali Berisha si përfaqësues i opozitës, ka ndezur menjëherë rrjetet sociale. Ndër reagimet më të komentuar ishte ai i këngëtarit Luiz Ejlli, i cili njihet për batutat dhe ironinë e tij.

Pas fjalimit të Berishës, Ejlli publikoi në Instastory një video ku shfaqej duke dëgjuar me vëmendje prezantimin e kandidaturës, për të shpërthyer në fund me fjalët: “Ua, thashë se tha emrin tim, për Zotin!”.

Video u bë viral brenda pak minutash, duke mbledhur mijëra komente dhe shpërndarje, ndërsa ndjekësit e konsideruan reagimin e tij si më i qeshuri i ditës.