Një 31-vjeçar shqiptar është proceduar penalisht pas tentativës për të nxjerrë nga Shqipëria 13 200 euro pa i deklaruar.

Kontrolli u krye në dalje të vendit, ku në çantën e shtetasit H. J., banues në Berat, u gjet shuma e parave që nuk ishte deklaruar sipas ligjit. Paratë u sekuestruan në cilësinë e provës materiale.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.