Dy të rinj janë arrestuar nga policia, pasi akuzohen se i morën me dhunë një 27-vjeçari një shumë parash dhe disa sende personale.

Nga hetimet rezulton se shtetasit F. S. dhe G. Sh., në rrugën e fshatit Marikaj, i kanë grabitur viktimës 5300 euro dhe 3 celularë.

Gjatë kontrollit në banesën e njërit prej autorëve në Vorë, policia gjeti dhe sekuestroi 2 karikatorë arme zjarri automatik model 56, një palë pranga, një thikë, si dhe 3 celularët e vjedhur.

Ndërkohë, një 24-vjeçare është proceduar penalisht për moskallëzim krimi.
Materialet i janë referuar Prokurorisë së Tiranës për veprime të mëtejshme.