Në Gjykatën e Posaçme kundër Korrupsionit (GJKKO) ka nisur seanca gjyqësore për dosjen e njohur si “Partizani”, ku ndër të pandehurit është ish-kryeministri Sali Berisha.

Gjatë seancës, prokurori i SPAK Arben Kraja iu përgjigj pretendimeve të mbrojtjes, duke theksuar se asnjë prej tyre nuk qëndron dhe nuk përbën shkak për pavlefshmëri të procedurës.

“Sa i takon pretendimeve për gjyqtarët është shprehur Gjykata Kushtetuese. Për shpërdorimin e detyrës nga i pandehuri Berisha, mbrojtjes i kujtoj institutin e parashkrimit. Regjistrimi i kallëzimit penal në të njëjtën ditë që është dorëzuar nuk përbën shkelje, kur ka elemente, prokurori e regjistron,” – tha Kraja.

Ai shtoi gjithashtu se nuk ka pasur shkelje në ekzekutimin e masave të sigurisë, ndërsa për aktet e ekspertimit theksoi se ato janë kryer nga ekspertë të institucioneve shtetërore dhe jo domosdoshmërisht duhet të jenë në regjistrin elektronik.

“Asnjë nga pretendimet e ngritura nuk çon në pavlefshmëri,” – përfundoi prokurori Kraja.