Moderatorja dhe influencerja e njohur Kiara Tito i është përgjigjur me qetësi dhe maturi një pyetjeje të ndjeshme gjatë një sesioni “pyetje–përgjigje” në Instagram, ku një ndjekës e pyeti se si ndihet kur njerëzit flasin negativisht për bashkëshortin e saj, Luiz Ejllin.

Në pyetjen: “Si ndjehesh kur bashkëshortit çfarë nuk i thonë, fjalët më negative, e si ndjehet ai?”, Kiara dha një përgjigje me peshë:

“Kur dikush flet keq për ty, zakonisht tregon më shumë për gjendjen e tij se për ty. S’më prek, disa thjesht kanë nevojë për ndihmë, jo përgjigje.”

Moderatorja shtoi se as Luizi nuk i jep rëndësi komenteve apo shpifjeve që qarkullojnë në rrjete sociale:

“Pastaj Luizin e keni parë besoj që nuk merret me llafe dhe as nuk i bëjnë përshtypje shpifjet dhe mallkimet e disa njerëzve që nuk kanë një jetë.”

Me këtë deklaratë, Kiara ka dhënë një mesazh të qartë për ata që përpiqen të përfshijnë çiftin në debate publike, duke treguar se ata zgjedhin të qëndrojnë mbi negativitetin dhe të fokusohen në jetën dhe karrierën e tyre.

Aktualisht, Kiara Tito drejton show-n e njohur të humorit “Portokalli”, ku po korr sukses si moderatore, ndërsa Luizi vazhdon të mbetet një nga figurat më të komentuar të showbizit shqiptar.